Ndërron jetë ish-kryeministri i Shqipërisë, Bashkim Fino
Bashkim Fino i cili aktualisht ishte deputet i partisë në pushtet, Partisë Socialiste të Shqipërisë, ka mbajtur postin e kryeministrit në Qeverinë e Pajtimit Kombëtar në vitin 1997 (mars‐korrik)
Tiranë
Ish-kryeministri i Shqipërisë, Bashkim Fino, ka ndërruar jetë në moshën 59-vjeçare, ndërkohë ai ishte i infektuar ditët e fundit edhe me kronavirusin e ri (COVID-19), transmeton Anadolu Agency(AA).
Lajmi për vdekjen e deputetit Fino është bërë publik nga kryeministri i Shqipërisë, Edi Rama, në rrjetet sociale.
"E pabesueshme, po shumë fatkeqësisht e vërtetë, miku im, miku ynë i mirë Bashkim Fino nuk jeton më. Nuk kam fjalë. Sot për familjen tonë të madhe është një ditë zie, aktivitetet tona elektorale do të ndalen, në nderim e kujtim të vëllait tonë të dashur", ka shkruar Rama.
Për ndarjen e tij nga jeta kanë përcjellë mesazhe ngushëllimi zyrtarë, politikanë dhe personalitete nga fusha të ndryshme në Shqipëri.
Fino i cili aktualisht ishte deputet i partisë në pushtet, Partisë Socialiste të Shqipërisë, ka mbajtur postin e kryeministrit në Qeverinë e Pajtimit Kombëtar në vitin 1997 (mars‐korrik).
Gjatë karrierës së tij politike ai ka mbajtur edhe postin e zv.kryeministrit dhe ka drejtuar disa ministri.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.