Serokomar Recep Tayyip Erdogan bi merasima fermî pêşwazî li Şehzadeyê Cihnişîn ê Erebistana Siûdî Muhemmed bin Selman kir.

Siwariyan ji ser caddeya pêşiya Kulliyeya Serokomariyê heta deriyê protokolê refeqeta wesayita meqamê ya ku Şehzadeyê Cihnişîn Muhemmed bin Selman tê de bû kirin.

Serokomar Erdogan li ber deriyê sereke yê Kulliyeya Serokomariyê pêşwazî li Muhemmed bin Selman kir.

Piştî ku Serokomar Erdogan û Muhemmed bin Selman cihê xwe yê li qada merasimê girtin, 21 pare top hat teqandin û Sirûdên neteweyî yên herdu welatan hatin xwendin.

Erdogan û Muhemmed bin Selman heyetên xwe bi hevdu dan nasandin û li ser pêpelûkan li ber alayên herdu welatan poz dan rojnamevanan.

Erdogan û Muhemmed bin Selman piştî civînên dualî û yên di navbera heyetan de dê civîneke hevbeş a çapemeniyê li dar bixin.

Di merasimê de Cîgirê Serokomar Fuat Oktay, Wezîrê Karên Derve Mevlut Çavuşoglu, Wezîrê Jîngeh, Bajarvanî û Guherankariya Iqlîmê Murat Kurum, Wezîrê Ciwanan û Werzişê Mehmet Muharrem Kasapoglu, Wezîrê Xezîne û Darayiyê Nureddîn Nebatî, Wezîrê Navxweyî Suleyman Soylu, Wezîrê Çand û Geştiyariyê Mehmet Nurî Ersoy, Wezîrê Parastina Neteweyî Hulusî Akar, Wezîrê Bazirganiyê Mehmet Muş, Serokê Karûbarê Îdarî yê Serokomariyê Metin Kiratli, Serokê Ragihandina Serokomariyê Fahrettîn Altun, Berdevkê Serokomariyê Îbrahîm Kalin, Serokê Karûbarê Diyanetê Alî Erbaş û Waliyê Enqereyê Wasip Şahîn jî amade bûn.