Навивачите на Селтик порачаа: Кудс е Палестина
Навивачите на шкотскиот фудбалски клуб Селтик својот став за одлуката на американскиот претседател Доналд Трамп да го признае Кудс како главен град на Израел го искажаа преку транспаренти
Istanbul
ИСТАНБУЛ (АА) – Навивачите на шкотскиот фудбалски клуб Селтик својот став за одлуката на американскиот претседател Доналд Трамп да го признае Кудс како главен град на Израел го искажаа преку транспаренти, јавува Anadolu Agency (AA).
Навивачите на Селтик во ремито против Хиберниан (2:2) истакнаа транспарент на кој пишуваше „Кудс е Палестина”, критикувајќи ја одлуката на американскиот претседател за признавање на Кудс за главен град на Израел.
Источен Кудс Израел го окупираше на 5 јуни 1967 година, а во 1980 година едноставно го прогласи за свој главен град. Оваа одлука Обединетите нации ја прогласија за неважечка.
Претседателот на САД, Доналд Трамп во средата донесе одлука за признавање на Кудс за главен град на Израел, што предизвика оштри реакции низ целиот свет. Трамп исто така рече дека веќе наредил амбасадата на САД од Тел Авив да се премести во Кудс.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
