لاپەڕەی یەکەم > ئابووری

ئابووری ئەوانی تر هەواڵەکان

ـ سەرۆکی رێکخراوی یەکێتیی ھاوردە و ناردنکارانی کوردستان، مستەفا عەبدولڕەحمان: "قەبارەی ئاڵوگۆڕی بازرگانی نێوان ھەرێمی کوردستان و تورکیا لە ساڵی ٢٠١٨دا، بەرزبوونەوەی بەخۆیەوە بینی و گەیشتە نزیکەی ١٢ ملیار دۆلار"

- به‌ڕێوه‌به‌ر خاڵی گومرگی كه‌ركووك جه‌مال حه‌سه‌ن رایگه‌یاند، بڕیاره‌كه‌ی ئه‌نجوومه‌نی وه‌زیران بۆ هه‌ڵگرتی به‌ربه‌سته‌كان له‌ خاڵه‌كانی نێوان باشوور و ناوه‌ڕاستی عێراق له‌گه‌ڵ هه‌رێمی كوردستان كه‌وتووه‌ته‌ بواری جێبه‌جێكردنه‌وه‌.

- ئه‌ندامی ئه‌نجوومه‌نی نوێنه‌رانی عێراق له‌سه‌ر پارێزگای نه‌ینه‌وا، شیروان دووبردانی ئاشكرای ده‌كات گرووپێكی چه‌كدار به‌ناوی "كه‌تیبه‌كانی ئیمام عه‌لی" رۆژانه‌ 100 تانكه‌ر نه‌وت له‌ كێڵگه‌كانی گه‌یاره‌ به‌قاچاخ ده‌به‌ن.

- بە ھۆی بەرزبوونەوەی ئاستی بەرھەمھێنان لە ئەمریکا، نرخی خاوی برێنت لە بازاڕەکانی جیھاندا، دابەزی و ھەر بەرمیلێک بە ٦١ دۆلار و ٣٧ سەنت مامەڵەی پێوەدەکرێت.

بەڕێوەبەری گشتی بازرگانی لە وەزارەتی بازرگانی و پیشەسازیی لە حکوومەتی ھەرێمی کوردستان، نەوزاد ئەدھەم:"قەبارەی ئاڵوگۆڕی بازرگانی نێوان ھەرێمی کوردستان و تورکیا لە ساڵی ٢٠١٨ بریتی بووە لە ١٠ ملیار دۆڵار، لەگەڵ ئێرانیش شەش ملیار دۆلار بووە"

ـ بەڕێوەبەری بریکاری سەرەکی کۆمپانیای تورکش ئێرلاین لە سلێمانی، کۆچەر ستار: "نرخی بلیتی گەشتەکانیان زۆر دابەزاندووە، بە جۆرێک گەشتی چوون و گەڕانەوە بۆ ئیستانبوڵ بۆ ٢٧٠ دۆلار دابەزیوە لە کاتێکدا پێشتر ٣٧٠ دۆلار بووە"

- داهاتی هەناردەی نەوتی رووسیا لە ساڵی ٢٠١٨دا بەراورد بە ساڵی رابردووتر، لەسەدا ٣٨،٢ زیادیکردووە و داهاتی گازی سروشتیی ئەو وڵاتە لەسەدا ٢٨،٨ زیادیکردووە و کۆی گشتیی بووەتە ١٧٨ ملیار و ١٠٠ ملیۆن دۆلار.