Pêvajoya dengdanê li Herêma Kurdistana Iraqê bidawî hat
Dengdana ji bo referandûma serxwebûna Herêma Kurdistana Iraqê ji 7an pê ve xelas bû.
Arbil
HEWLÊR
Pêvajoya dengdanê ji bo eferandûma Serxwebûna Herêma Kurdistana Iraqê ji seet 7an pê ve bidawî bû.
Komîsyona Bilind a Serbixwe ji bo Hilbijartin û Rapirsiyê li Herêma Kurdistanê, ragihand ku pêvajoya dengdanê ji bo referandûmê di seet 7an de bidawî hatiye.
Li Herêma Kurdistana Iraqê nêzîkî 5 milyon welatiyan li Hewlêr, Silêmanî, Duhok, Kerkûk û navçeyên Selaheddîn, Diyala û Mûsilê çûn ser sindoqan û ji bo referandûma serxwebûnê deng dan.
Li gor rêjeyan li Hewlêrê 1 milyon û 118 hezar, li Silêmaniyê 1 milyon û 300 hezar, li Duhokê 772 hezar, li Helebceyê 90 hezar, li Kerkûkê 889 hezar, li Nînowayê 750 hezar û li deverên din ên binîqaş jî nêzîkî 800 hezar welatî û li welatên derve jî 150 hezar kesî deng da.
Li gor Komîsyona Serbixwe ya Bilind ji bo Hilbijartinê li Silêmaniyê 467 binke û 2 hezar û 700 wêstgehên dengdanê hatin danîn.
Li Hewlêrê 498 binke û 2 hezar û 494 wêstgehên dengdanê, li Duhokê jî 256 binke û hezar û 575 wêstgehên dengdanê, li Kerkûkê 244 û li Diyalayê jî 244 binke hene. Li Helebceyê 90 hezar dengdêr li ser 27 binkeyan dabeş bûne.
Referandûm li Hewlêr, Silêmanî, Duhok, Kerkûk, Tûzxurmatûya Selaheddînê, Xaneqîn, Celewla û Sadiyeya Diyalayê, Şengal (digel Rabîa, Sinûn, Zumar) Başîk, Mexmûr, Guwêr û Tilkêfa Mûsilê jî birêve çû.
